Öll að koma til

Jæja er alveg að gleyma mér. En ég er bara öll hin sprækasta þessa daga en svo til. Búin að vera mjööög ör undanfarnar vikur sem ég held að megi alveg reka til spennings að vera að skila eitt stk. BS ritgerð og svona. En ég fór semsagt til læknis 1. ágúst og við ræddum mín mál og svona, t.d. það að vera flutt á höfuðborgarsvæðið aftur. Það er víst ekki óalgengt að við verðum svolítið óörugg þar sem lætin eru svona mikil. Og þegar ég segi læti þá er ég að meina æsingurinn og stressið í þessum blessuðu borgarbúum. Það eru gjörsamlega allir að flýta sér eitthvert! Meira ruglið!

Ég fór einmitt í Bónus í gær eftir hádegi og hann var vægt til orða tekið stútfullur af snargeðveikum húsmæðrum að versla! Ég er sko að meina það SNARgeðveikum sko!! Ég var nú bara þarna í mínum rólegheitum með mín tvö börn að reyna að versla skynsamlega inn en vá það má hvergi stoppa til að hugsa nema barnið manns sé gengið niður eða keyrt á kröfuna manns. Ég verð að viðurkenna að ég bara gafst upp og forðaði mér! Meika ekki alveg svona verslunarferð. 

En já aftur að læknistímanum... við ákváðum semsagt í sameiningu að ég færi aftur að taka lyfin mín um leið og sú litla væri hætt á brjósti. Ég hætti með hana á brjósti eftir verslunarmanna helgi og er núna búin að taka lyfið í 10 daga. Ég er ennþá að berjast við aukaverkanirnar sem eru nú ekki spennandi, aðeins hraðari hjartsláttur, kvíðatilfinning, ógleði og þreyta! En þetta er samt mikið búið að minnka, var eiginlega handónýt fyrstu dagana. Ég vona bara að ég verði orðin góð þegar skólinn byrjar á þriðjudaginn. Þá er reyndar svona hópeflisdagur á Úlfljótsvatni, svo er nýnemadagur eftir hádegi á miðvikudaginn og formleg kennsla hefst hjá mér 27. ágúst.

Fannst ég þurfa að koma þessu frá mér í framhaldi af síðustu færslu sem ég skrifaði um athyglisbrestinn minn :)

Edda

Hvað haldið þið??

Ég er sko búin að skila BS ritgeðinni minni! Truflað spennandi, vona bara að hún sé nógu góð og ég geti útskrifast 6. september næstkomandi. Ég er eiginlega í smá spennufalli, veit ekki hvað ég á að gera. Svolítið óvenjulegt að þurfa ekki að sytja fyrir framan tölvuna núna en samt er þetta orðið svo mikill vani eitthvað. En ég er alveg með daginn planaðan sko. Ætla í bíó með drenginn minn, þrífa íbúðina og reyna að komast í ræktina. Keypti mér sko áskrift í sporthúsið í síðustu viku og er búin að fara einu sinni með Rósu, ætluðum reyndar í body pump en það féll niður. Get ekki beðið eftir að komast í svona rútínu og vinna meðgönguspikið af mér, nóg er af því! Mér er strax farið að hlakka til næsta sumars því planið er að reyna að vera bara í sumarfríi allt sumarið með börnunum mínum. Fer í sumarfrí í byrjun maí frá skólanum og það er bara fyrsta almennilega sumarfríið mitt í mörg ár. Eiginlega bara síðan ég var í fæðingarorlofi með Gylfa Rúnari. Það er bara vika þangað til skólinn byrjar, byrjar á hópeflisdegi úti á landi 19. ágúst og svo er nýnemadagurinn 20. mjög spennandi en er líka smá hvíðin. Veit að þetta er erfitt nám og algjörlega nýtt umhverfi. Svo eru líka þau Zanný og Biggi Óli sem ætluðu að vera með mér í náminu hætt við :( en Robbi og Júlli verða þarna líka bara í öðru. Tökum reyndar einn kúrs saman sem er corpurate finance og kenndur þrjár helgar yfir önnina. Verður gott að hafa stuðning frá þeim áfram í námi. Ennþá betra að þurfa ekki að sakna þeirra líka eins og hinna.

Er þetta ekki nóg af bulli?

Edda

Er að kafna...

...úr spiki!! og ég þarf svo að setja smá pressu á mig hérna. Bætti alltof mikið á mig á þessari meðgöngu miðað við hvað ég var orðin fín síðasta sumar. En jæja, gerði mér svona ticket :)

Megið gjarnan pressa á mig. Ætla í ræktina um leið og ég er búin að skila þessari fjandans ógeðs ritgerð sem tekur frá mér allan tíma þessa dagana.

 Edda

Að vera eins og ég er...

...getur stundum verið svolítið erfitt. Vildi að ég gæti lýst þessu fyrir ykkur en núna bara get ég það alls ekki. Mér hefur ekki alveg liði sem best síðan við komum aftur á höfðuðborgarsvæðið en ég reyni eins og ég get að beita þeirri tækni sem ég hef lært. Ég er búin að panta tíma hjá lækninum mínum en hann er ekki ennþá búinn að hringja :( Ekki samt halda að ég sé handónýt, ég er bara meira meðvituð um þetta núna og ætla að taka á þessu strax svo það fari ekki allt til fjandans.

En svona fyrir utan þetta þá höfum við það ágætt, erum búin að koma okkur vel fyrir hérna í Kópavogi, búin að gera talsverðar breytingar á íbúðinni en þó ekki allt sem okkur langar til. Eigum eftir að klára herbergið okkar en stefnum svona að því að græja það í byrjun haustsins. Það þarf að mála það og setja gólfefni sem verður bara dúkur þangað til við kaupum efni á alla íbúðina. Rifum niður skápanna þar inni og í ljós kom þetta fallega dökkbrúna loft og ljósbrúnu veggir. Ætlum að setja skápa bara á hluta af vegnum og nýta eitt hornið á herberginu fyrir Brynhildi Freyju til að byrja með.

Jæja ég er allavega búin að klára þessa færslu, byrjaði á henni einhverntíman í síðustu viku hehe.

sjáumst, Edda

Brjóstamóða

Þessi brjóstamóða er alveg að gera útaf við mig, ég man ekkert stundinni lengur og er svo utan við mig að það er hreint ótrúelgt að fólk nenni yfirleitt eitthvað a ðreyna að tala við mig. Ég er að fatta löngu eftir að ég hætti að tala við fólk hvað það var að segja og þá að ég bara steingleymdi að svara því hehe... pínu asnalegt þannig að það eru örugglega nokkrir að velta fyrir sér hvaða furðufugl ég sé eiginlega eða að ég nenni ekki að tala við það. Vona bara að mér sé sýndur smá skilningur á þessu rugli mínu.

Núna til dæmis man ég ekkert hvað ég ætla að blogga um en ég man það að það var eitthvað sem ég gleymdi í gær :)

Vona að ég ranki við mér fljótlega, þetta getur ekki verið gott þegar maður er að reyna að klára eitt stk háskóla.

Edda

Get ekki sett inn myndir

Ohh böggandi... ætlaði að setja inn myndir hér á síðuna en þær koma ekki inn, búin að gera nokkrar tilraunir og er núna bara búin að gefast upp :(

Við erum byrjuð að pakka og svona enda alveg að fara að flytja. Flytjum sennilega bara á föstudaginn eða laugardaginn og notum svo mánudaginn í að þrífa hérna á Bifröst. Fórum í gær á höfuðborgarsvæðið með ungann í mánaðarlega myndatöku hjá Hörpu Hrund og eins og alltaf var hún algjört rassgat :) Við fórum líka í flugger og keyptum okkur málningu og lakk, ætlum að mála herbergið hans Gylfa Rúnars sem er ekki í góðu ásig komulagi og lakka allar hurðir og skápahurðar hvítar. Svo verður bara það sem við ætlum að gera líka bara gert smátt og smátt þegar við erum flutt. Það á eftir að breyta miklu að lakka og mála bara þetta :) Jón Ingi ætlar að fara í bæinn á morgunn og byrja að græja þetta. Jónsi ætlar að lána okkur fluttningabílinn og koma með hann einhvern tímanum um helgina, þá getum við byrjað að týna inn í hann. Frekar pirrandi að hafa svona kassa útum allt þegar maður er líka með vagn, vöggu og baðborð á flakki um íbúðina.

BS-inn gengur, er að lesa mig til og búin að setja upp rammann um ritgerðina það fara vonandi að koma einhver orð inní hana í næstu viku.

Held ég hafi ekkert ætlað að segja meira, Jón og Gylfi Rúnar eru að baka yndislegar bananamúffur og lyktin bara góð nammi namm :)

Edda

Haha... ég gleymdi að segja hvað mig dreymdi í nótt, eiginlega pínu fyndið. Dreymdi sem sagt að ég fann ísbjarnarför hjá Hraunsnefi hehe :)

Aldrei aftur

Skólinn er búinn... eða svona nánast, ég þarf aldrei aftur að mæta í fyrirlestur eða verkefnatíma hér á Bifröst! og þar með erum við að fara að flytja í Kópavoginn okkar um næstu mánaðarmót. Ætla bara að skrifa BS ritgerðina þar finnst við fáum enga leigjendur í sumar. Tímum ekki alveg að vera að borga af tveim húsnæðum! Er ekki eins svartsýn núna að flytja héðan, kostirnir eru alveg fleiri en gallarnir svosem. Mun til dæmis geta hitt minn ástkæra bróðir oftar, foreldra mína, vini mína, frænkur mínar og auðvita farið að versla alltaf þegar mig langar hehehe... :) Svo eru auðvita flestir vinir mínir hér á Bifröst að flytja á höfuðborgarsvæðið í sumar. Þetta verður ekkert mál :)

Ég fékk sent í pósti í dag stundaskrána í HR og dagskrá fyrstu dagana, þetta er greinilega að gerast hí hí :) hlakka bara til.

Annars höfum við það bara gott, Gylfi Rúnar búinn að veiða fyrsta fiskinn á ævinni og Brynhildur Freyja er bara algjört rassgat alla daga :)

Edda

Það er mynd af Gylfa Rúnari í Bændablaðinu í dag á bls. 36 og svo verður mynd af Brynhildi Freyju í Sunnlenska á fimmtudaginn :)

léleg að blogga

Er bara að rembast við að vera dugleg að blogga fyrir börnin á barnalandi. Ég er bara að rembast við að vera í mömmuleik og stunda háskólanám. Mæti í skólann þegar hún sefur og þegar við vinnum hópaverkefni er bara unnið hérna heima og ég með skvísuna í fanginu eða við skiptumst á að hafa hana. Jón Ingi er heima í fæðingarorlofi sem gerir þetta auðvita mun auðveldara.

Líka gaman að segja frá því að ég er komin inn í meistaranám við Háskólann í Reykjavík næsta haust :) svo að ef mér tekst að klára þetta núna á þessari önn þá byrjar skólinn hjá mér 25. ágúst aftur. Hlakka mjög mikið til :) verð þá heima á daginn með börnin og í skóla seinnipartinn og einhverjar helgar næstu 2 árin.

Smelli líka montmyndinni minni hérna :)

 

Það fæddist stúlka...

... síðasta sunnudag :) Hún er alveg mega krútt eins og við var að búast hí hí...

Er að reyna að læra...

Það bara gerist andskotan ekki neitt í kollinum á mér!! Það er ekki eins og ég sé að gera eitthvað annað í staðinn, sit hérna í þögninni með vínber í skál að horfa á tölvuna og bækurnar... og já núna er ég auðvita að blogga. Hef samt ekkert að segja frekar en venjulega, er bara að tútna út og held ég springi bráðum frekar en eitthvað annað. Fer í skoðun á morgunn, þá komin 38 vikur af 40... pælið í því... ég er að verða tveggja barna móðir loksins!!

Er örugglega búin að segja þetta margoft en ég get ekki beðið eftir því að komast í ræktina og komast í form aftur. Veit auðvita að ég stekk ekkert fram úr fæðingarúminu og beint í ræktina en vonandi kemst ég samt sem allra fyrst... verð að geta notað nýja flotta bikiníið sem ég keypti á spáni hehe...

æji ætla að reyna að læra eitthvað...

Edda