Engin víkingahátíð fyrir mig...

...fyrrenn næstu helgi

Eða við ætlum allavega að kíkja, hitta Benny, Mikaellu, Bjorn og fleiri vini okkar  get ekki beðið og finnst eiginlega hræðilegt að vita af þeim þarna og ég ekki þarna líka. Er ekki alveg ákveðin hvort ég verði uppá búin næstu helgi en Jón Ingi verður það alveg pottþétt.

Vonandi fá þau betra veður núna en fyrri helgina í fyrra, það var alveg drullu kalt á okkur þá. En það stefnir alveg í það, við Gylfi Rúnar vorum að koma úr pottinum með Aþenu Sól, Söru Líf og Lindu, enda svakalega gott veður

Um 110 víkingar nema land í Hafnafirði

kafna úr leti

nenni ekkert að skrifa  ´

en það eru bara 2 mánuðir þangað til við förum til spánar víííí  sorrý varð að grobba mig, aldrei of þreytt til þess

svo stolt af mér :)

Var að update-a borðan minn :) er svo ánægð með þetta hí hí... og það besta eru, engar töfralausnir notaðar við þetta.

Svo bara styttist í spánarferðina hjá okkur fjölskyldunni, get ekki lýst því hvað ég hlakka til að slappa af og leika með strákunum mínum. Var einmitt að skoða bikiní á netinu í gær, það gamla dó! eða er komið svona slit í það og það er orðið of stórt. Var að spá í svona sniði, fíla ekki litinn og ekki þetta dót þarna á milli brjóstana en finnst þetta svo flott yfir brjóstin

Smekklegt!

ok mér er alveg sama hverju hann var að mótmæla, finnst þetta ógeðslegt.

Og enn ógeðslegra sem ég las í Blaðinu í gær, minnir það frekar en Fréttablaðinu. Þar var semsagt grein um mann sem var afbrýðisamur útí naggrís kærustu sinnar, sko svo afbrýðisamur að hann tók sig til og eldaði "rómantíska" máltíð handa kærustunni. og viti menn! þegar þau voru búin að borða ætlaði skvísan að tjekka á grísnum sínum... en nei nei þá tilkynnti kallinn bara að hún hafi verið að enda við að snæða hann!! Þetta er náttúrulega ógeðslegt, en svona getur kallfólk verið ógeðslega furðulegt dýr.

 

Át hund í mótmælaskyni

Eru ekki allir vaknaðir?

greinilega komið sumar, vaknaði fyrir kl 6 jeij  elska þegar það gerist... eða þannig!!

En þetta er ágætt, er að fara í lokapróf í IMC kl 12 og ætla reyndar að mæta í body pump kl 8 svo ég verði ofur fersk... er það reyndar alltaf sko hehe

Við fórum austur síðustu helgi og ég hitti fjárstofninn minn, alveg heil 3 stykki. Rollan mín hún Frigg eignaðist nefnilega 2 stóra hrúta, ferlega sæta. Surtla hans Gylfa Rúnars var komin út svo við hittum hana ekki

Æj hef svosem ekkert að segja akkúrat núna. Vantar bara athygli

Kæri Geir!

Verð að segja að mér finnst þú vera að svíkja okkur all svakalega með þessu  Þó að langt sé á milli ykkar Steingríms er hann betri kostur og þið mætist bara á miðri leið  

 

Segjast komin nær stjórnarmyndun og að góður andi sé í viðræðum

Ekki gera einhverja vitleysu í dag!

Það er jú kostningadagurinn og plís reynið að kjósa rétt í dag! enga djöfuls vitleysu takk hí hí... Ég fór reyndar og kaus á mánudaginn því ég er bíllaus í dag því Jón er að vinna. Eru ekki allir búnir að tjékka á hvað á að kjósa hér Ég kaus auðvita rétt  hugsa að flestir viti hvað ég kaus EKKI!!

Úr sveitinni er bara sæmilegt að frétta, búið að vera ógeðslega kalt, 4 stiga hiti núna, og ansi mikil törn í skólanum. Skiluðum ritgerð á miðvikudagskvöldið sem átti að svara því hvort sjálfsmorð væru réttlætanleg, það gekk svona lala og eiginlega ótrúlegt hvað siðfræði fær mann til að réttlæta margt. Við erum líka búin að vera að horfa á bíómyndi á hverjum degi þessa vikuna og ræða út frá siðfræðinni í verkefnatímum. Myndirnar sem við höfum verið að horfa á eru:

• Sling Blade
• A Clockwork Orange
• Se7en
• China Blue
• The Corporation

Í næstu viku höldum við áfram þessu glápi og endum vikuna á lokaprófi, seinnipartinn á föstudaginn. Þá erum við skötuhjúin heldur betur búin að ákveða að fara til RVK að versla!! vííí mig vantar svooooooo mikið föt. Á nánast ekkert sem passar á mig  nema íþróttaföt en þau eru líka þægilegust og enda örugglega á því að kaupa bara fleiri svollis.

Plönin mín hafa alveg staðist síðustu 3 vikur þ.e. að mæta í ræktina 5 sinnum í viku og ganga 1 sinni í viku, er reyndar búin að fara 6 sinnum þessa vikuna svo ég er alveg ótrúlega dugleg. Maður verður að líta vel út á Spáni þegar maður hittir Brad Pitt

Jæja man ekki hvort ég ætlaði að segja meira, við Gylfi Rúnar ætlum að skella okkur á Grábrók eftir hádegi.

Edda

reiðhöll á Flúðir

jahá ég verð að játa að ég hef ekki hugmynd um það hvar þessi Lambatangi er, en þetta er örugglega ágætt fyrir sveitina mína a.m.k finnst mér allir þarna vera komnir með einhverja hestadellu. Finnst þetta reyndar allt vera meira og minna "hnakkarónar" svo já reiðhöll er gott mál

Hvað er annars gert í svona reiðhöllum? Ég hef bara farið á ball í svona höllum, eins og Ingólfshvoli.

Samið um reiðhöll í Hrunamannahreppi

Ég á stefnumót á Spáni!

hí hí... ég á stefnumót við Brad Pitt í Alicante í ágúst   Er ég ekki heppin?

Hollywood stjörnur í Alicante - Fréttatilkynning 29.04.2007

Ákveðið hefur verið að hin þekkta skáldsaga "Pompeii" eftir rithöfundinn Robert Harris verði fest á filmu í Alicante á næstu mánuðum. Leikstjórinn Roman Polanski hefur verið verið með kvikmyndahandritið til skoðunar síðustu vikur og er reiknað með að gengið verði frá ráðningu leikara í maí. Heyrst hefur að leikarar eins og Brad Pitt, Matt Damon, Monica Belucci og Robert de Niro muni leika stór hlutverk í myndinni. Kvikmyndatökur munu hefjast í Alicante borg í ágúst og er stefnt að því að kvikmyndatökum ljúki í nóvember. Nú er um að gera fyrir alla Íslendinga á Costa Blanca svæðinu að hafa augun vel opin þar sem Hollywood stjörnunar geta verið á næsta leyti.  

Fréttin er tekin af www.costablanca.is

 

Grábrók

Þetta var svo næs! Ég skellti mér í góðan labbitúr héðan frá Bifröst og uppá Grábrók. Fór svo gönguleiðina að Bifröst til baka, svo ég fór einn hring uppá Grábrók og annan í kringum hana hehe.. Ég tók meira að segja nokkrar myndir á símann minn.

Smellti einni af Bifröst ofan af Grábrók, hvar er sólin sem ég var búin að ákveða að ætti að vera í dag líka?? En veðrið er yndislegt, hlýtt og stillt.

 

 

 

 

Það var líka snjóskafl á vegi mínum, mér til mikillar undrunar! En við erum auðvita á Íslandi svo það má búast við þeim svona fram í miðjan júní.

 

 

 

 

 

Svo er það hún ég, sem ég er reyndar farin að sjá eftir að hafa sett mynd af núna. En skítt með það er að vinna í þessu öllu saman.

Er búin að taka þá mikilvægu ákvörðun að æfa 5 sinnum í viku og labba einu sinni í viku, helst með fjölskylduna með mér. Ætli við Gylfi löbbum ekki að Glanna næsta sunnudag.

Jæja ég er of dugleg í dag... 2 blogg hehehe

Edda